Pitaruah Ayah untuk Remaja Putra

Drama Monolog keluaran Balerong Group Jakarta di era 80-an. Isi dan pesan-pesan yang termuat dalam kaset ini sarat dengan pesan moral buat remaja putra. Berikut kutipan singkat dari Pitaruah Ayah ini....

.....Untuak itu Ayah pasankan nak, usah manjadi rajo kalah. nan bajalan manakua-nakua. mangecek tatagun-tagun, hilang banso punah martabat. Manambah gantang tatanakkan, manyamak dalam nagari. Kalau Waang nak tau juo nak, iduik nangko indaklah lamo, dunia hanyo sakijok mato. Caliaklah contoh jo ibaraik, maso laia di songsong abang, mati di anta dek sumbayang. Antaro abang jo sumbayang, sinan kamat dibacokan hinggo itulah jatah umua.....

.....Ma’ana manjadi singo nak, bukan manggadang bakato darek bakitabullah di tangan, kandak badannyo awak surang. Indak nak, bukan baitu filsafahnyo, tapi bialah satahun jaguang, pagunokan maso nan pendek, bapacu marabuik buko mambuek amal kabaikan. Baguno ka diri surang, tapakai di masyarakat, manfaat salingkuang alam. Untuak apo panjang bajelo, hinggo batungkek saluang api, kalau awak kiliran tangan masak lacuik, makan parentah. Kok kunun pulo, kuma bamiang manggata di dalam kampuang, cilako hiduik tu namonyo.....

....Adopun tubuah manusia tarbangun dari tigo rungo. Partamo, runggo diateh, kaduo runggo di tangah, katigo runggo di bawah.
Nan dimukasuik jo runggo ateh, iolah ruang di kapalo, bakandak isi pangatahuan, ibaraik dinamo masin kapa, ulu tanago baliang-baliang, pambalah aia di lauik-tan. Tasabuik runggo di tangah, yaitu dado rumpun hati, sangka iman lubuak agamo, ikolah pidoman juru mudi, kaganti kompas di nan kodoh. Jan sampai sasek palayaran, hilang tujuan tanah tapi. Salorong runggo do bawah nak, paruik nan mintak dikanyangkan, umpamo parka tampek barang. Tansano muatan kosong alamaik oleang jalan kapa, dihampeh ombak jo galombang, manantang karam tak batumpang. Atau kalaulah buliah Ayah misalkan kapado alam Minang kabau tardiri dari tigo luhak. Partamo, luhak nan tuo. Lambang kuciang warnanyo kuniang. Kuciang itu binatang lihai, tinggi pangaruah, berwibawa. Kuniang tando kamanangan. Tujuannyo, urang cadiak adi kuasa, sumber ilmu pangatahuan, “Sains Tekhnologi” kato rang kini. Kaduo, luhak nan tangah. Simbol sirah harimau campo, barani karano bana, hukumpun tidak makan bandiang banamo parentah syarak. Calak alah tajam pun ado, tingga dek bawa manyampaikan. adaik alah syarak pun ado, tingga dek awak mamakaikan, moral, spiritual, istilah baru. Nan katigo, luhak nan bungsu. Corak hitam lambangnyo kambiang, rila jo saba bausaho, rumpuik nan indak pantang daun, dek padi mangko manjadi, dek ameh mangkonyo kamek. Mangecek iyo jo pitih, bajalan tantu jo kain, karajo tantu jo nasi, ekonomi baso canggihnyo.......

Untuk kandungan pitaruah ayah ini anda dapat melihat di halaman-halaman berikut:
http://www.cimbuak.net/content/view/818/5/
http://www.cimbuak.net/content/view/823/5/
http://www.cimbuak.net/content/view/825/5/
http://www.cimbuak.net/content/view/830/5/
http://www.cimbuak.net/content/view/832/5/
http://www.cimbuak.net/content/view/835/5/
http://www.cimbuak.net/content/view/839/5/
http://www.cimbuak.net/content/view/846/5/
http://www.cimbuak.net/content/view/849/5/
http://www.cimbuak.net/content/view/885/5/
http://www.cimbuak.net/content/view/889/5/
http://www.cimbuak.net/content/view/909/5/
http://www.cimbuak.net/content/view/920/5/
http://www.cimbuak.net/content/view/925/5/

Bagi Anda yang ingin mendengar sendiri Kaset ini dapat mendownloadnya disini
NB: Carilah koleksi originalnya (jika masih ada) Penulis tidak bermaksud menggalakkan pembajakan atas kaset ini.